Walay kakulian nga  na-monitor sa  transport strike CCPO Decemay P. Padilla

CEBU, Philippines — Walay mga na-monitor nga kakulian ang Cebu City Police Office (CCPO) sa transport strike nga gipahigayon sa Pinagkaisang Samahan ng mga Tsuper at Operator Nationwide (PISTON) Cebu kagahapon.

Matud ni Police Lieutenant Colonel Janette Rafter, deputy city director for operations ug tigpamaba sa Cebu City Police Office nga alas 5:00 sa buntag kagahapon nag-monitor na sila sitwasyon kini subay usab sa kamandoan ni CCPO Director Police Colonel Ireneo Dalogdog.

Nakita nato nga normal ang pagpanerbisyo sa atong kaigsuonan sa transportation sector , matud ni Rafter.

Gibutyag ni Rafter nga sila sa CCPO nangandam sa unsay matabang kon adunay mga natanggong nga mga pasahero gumikan sa strike nga gihimo sa PISTON Cebu.

Apan walay nadawat ang CCPO nga adunay nagpatabang gumikan kay wala kasakay diin nagpaabot kini nga aduna ray nasakyan ang mga tawo.  Nagpasalamat ang kapolisan sa PISTON Cebu tungod kay wala nila pugsa ang ilang mga kaubanang drayber nga mokuyog sa ilang pagwelga.

Peaceful ra gyud ang pagpahigayon sa ilahang pagwelga , dugang ni Rafter. (BANAT NEWS)