Talisay City Health Office top 1 sa pinakadaghan  og nabakunahan

CEBU, Philippines — Nahimutang sa top 1 ang City Health Office sa Dakbayan sa Talisay dinhi sa Rehiyon-7 nga maoy adunay pinakadaghan nga nabakunahan.

Ang Department of Health (DOH-7) niila sa Talisay nga maoy pinakadaghan og nabakunahan sa Measles Rubella and Bivalent Oral Poliovirus Vaccine Supplemental Immunization Activity sa High Population Category.

Si Talisay City mayor Gerald Anthony  Samsam  Gullas mapasigarbohon nga nianunsyo niini human nadawat nila ni Dr. Lino Alanzado ang pasidungog. Matud pa niya nga ang trabaho sa City Health Office walay hunong sa pagpaningkamot aron malikay sa virus o bacteria ang mga kabataan.

Nagpasabot sab kini nga gihuna-huna sa siyudad ang kaluwasan sa mga bata.

Nanghinaot si Gullas nga ang nadawat nga pasidungog maoy sumbanan sa uban nga magpadayon sa pagpaningkamot sa paghatag og serbisyo.

Subling gipasalig sa mayor nga motabang sa mga kalihukan nga maghatag og kaayohan sa tanan.  (BANAT NEWS)