Paglaya ni de Lima gikadismaya

Human sa unom ka tuig kapin nga pagkapriso ni kanhi Senador Leila de Lima tungod sa non-bailable illegal drugs-related cases nga nasang-at sa korte panahon ni former President Rodrigo Roa Duterte (FPRRD), niining higayon nga si Pangulo Bongbong Marcos (PBBM) maoy mipuli kaniya, natugotan ra sa Muntinlupa Regional Trial Court Branch 206, nga makapiyansag P300K si Leila alang sa temporariyo niining kagawasan.

Gikalipay kaayo kini sa iyang tanang supporters: Senador Risa Hontiveros, Makabayan Bloc, pro-CPP-NPA-NDF, Commission on Human Rights ug drug lords, kinsa maoy mihimo sa National Bilibid Prison (NBP) ubos sa pagpamunoan kanhi ni PNoy Aquino, nga lutoanag shabu, kawsanan og minilyong bad money sa mga hiwing politikong nakig-abin sa mga sindikato ug gipatukoran gyud og mga pangnegosyong kubol para sa binayrang kalingawan-kahilayan ug uban pang kalihokang ilegal.

Nabulgar kining tanan dihang gipahait pa pag-ayo ni ni FPRRD ang iyang War on Drugs.  Diin, iyang nasayran nga ubay-ubay diay'ng heneral sa Philippine National Police ug kadagkoan sa atong nasud ang nahilambigit ning salawayong grupo nga gusto niyang puohon. Diin, si Leila, pinaagi sa mga nahipos lig-ong ebedinsiya sa administrasiyong Duterte, kini nagtumbok nga si de Lima nahimong usa kanila.

Ang mga salawayong videos nga napakalat sa social media, sa maong panahon, diin nagpasundayag nga si Leila nakigsuod, nakigsayaw-kantakanta ug nakig-goodtime sa mga naprisong druglords sa NBP, maoy dugang rason nganong dapat lang siya pasakaan og kaso nga tukma sa unsay iyang nalapas? Gani, mao man kini hinungdan nganong nabilanggo siya?

Apan subo palandungon. Nga ang balaod sa Pilipinas, weather-weather!  Kon ang daang presidente ilisag bag-o, mabag-o sab ang dagan sa pagdesisyon sa korte. Labi na kon ang kanhi kasaligang Justice Secretary nga pinili ni FPRRD pulihan og dili patas nga bag-o. Busa, kon nagpiyesta man sa tumang kalipay ang tanang dumadapig nga kaparehog balhibo ni Leila, sa samang higayon, ang nagpakabanang citizens, ang nagmahal-sunod sa mga pulong sa Diyos, kinsa maayong pagkailad sa tam-is pasalig ni PBBM ug nakapanglantaw sa unahan nga dili na mabangbang ang padayong pagbaha sa gidiling drugas nga maoy source of all evils, pulos nadismaya ug igo na lang intawon sa pagpangurus-ampo: “Lord, save our misled-abused nation!”