P22 milyon gihatag sa Kapitolyo sa tulo ka lungsod sa Camotes

CEBU, Philippines —  Moabot sa P22 million ang nadawat nga tabang pinansyal sa tulo ka lungsod sa isla sa Camotes gikan sa Kapitolyo.

Si Gobernador Gwendolyn Garcia maoy nitunol sa cheque ngadto ni Mayor Al Arquillano nga midawat og P6 million, Vice Mayor Aly Arquillano (P2 million) sa San Francisco; Mayor Greman Solante (P4 million) ug Vice Mayor Erwin Yu (P2 million) sa Tudela; ug Mayor Edgar Rama (P6 million) ug Vice Mayor Dina Rama (P2 million) sa Poro atol sa Caravan of services nga gihimo sa lungsod sa Poro.

Ang maong pundo alang gihapon sa mga proyekto sa imprastraktura sa mga lungsod sa isla.

Ang Kapitolyo kanunay nanghatag og tabang pinansyal alang sa proyekto sa imprastraktura sa mga lungsod atol sa caravan of services nga gihimo sa Kapitolyo. — MEL (BANATNEWS)