NorthPort bugbog-sarado sa Magnolia

MANILA, Philippines — Sinolo ng Magnolia ang liderato matapos ta­­lunin ang NorthPort, 112-74, sa Season 48 PBA Commissioner’s Cup kahapon sa Smart Ara­­neta Coliseum.

Nagsalansan si import Tyler Bey ng 25 points, 8 re­bounds, 6 assists at 2 blocks para buhatin ang Hotshots sa 3-0 baraha.

Ito naman ang unang ka­­biguan ng Batang Pier matapos ang 2-0 pani­mu­la sa torneo.

Tumipa si Mark Bar­roca ng 17 markers, 4 assists at 2 boards para sa Magnolia at may 16 at tig-11 points sina Paul Lee, Ian Sangalang at Jio Jalalon, ayon sa pagkaka­sunod.

Nalimitahan si import Venky Jois sa 16 points sa panig ng NorthPort.

Kaagad kinuha ng Hotshots ang first quarter, 28-8, at umarangkada sa third period para ilista ang 82-48 kalamangan mula sa three-point shot ni Aris Dio­nisio.

Tuluyan nang nabaon ang Batang Pier sa 85-50 galing sa jumper ni Barro­ca sa unang dalawang mi­nuto ng final canto.

Ikinasa ang Magnolia ang 38-point lead, 106-68, sa huling 4:19 minuto ng labanan para tuluyan nang selyuhan ang dominasyon sa NorthPort.

Nagsumite si Arvin To­lentino ng 22 points pa­ra pangunahan ang Ba­tang Pier.