Namusil og bakery gipangita sa kapolisan
CEBU, Philippines — Gipangita na sa Cebu City Police Office (CCPO) ang mga responsable nga namusil og bakery diha saTabura Street, Barangay Pardo, Siyudad sa Sugbo kagahapon sa kadlawon.
Nakuha sa footage sa Closed Circuit Television (CCTV) ang gihimo sa mga lalaki kinsa sakay og motorsiklo nga kalit lang namusil gadto sa usa ka bakery ug maayo nalang nga wala maigo ang tawo nga nagbarog sa gawas.
Nasuta nga dili kini ang unang insidente nga adunay namusil sa tindahan tungod kay sa interview sa GMA Regional TV Balitang Bisdak sa usa sa tag-iya sa bakery nga pasado alas 10:00 sa gabii niadtong Lunes nakit-an niya ang duha ka lalaki nga nagsakay og motorsiklo nga nagtion og armas ngadto sa bakery ug gikablit ang gatilyo apan wala kabuto ang pusil.
Dayon alas 3:00 sa kadlawon niadtong Martes gibato ang tindahan sa mga lalaki nga nagsakay gihapon og motorsiklo.
Ni-report sa Barangay ang mga biktima apan wala nila kini napa-blotter sa Inayawan Police Station nga maoy adunay hurisdiksyon sa Barangay Pardo.
Ang tag-iya sa tindahan nipadayag sa ilang kahadlok sa hitabo.
Si Police Lieutenant Colonel Janette Rafter, deputy city director for operations ug tigpamaba sa Cebu City Police Office nga nanguha na sila og dugang kopya sa CCTV footage ug nakig-alayon na usab sila sa barangay.
Gisusi pa usab sa kapolisan kong ang naghimo sa krimen sa nangaging mga adlaw mao ra usab ang mga responsable sa pagpamusil kagahapon sa kadlawon.
Ikonsiderar usab kapolisan ang tanang anggulo sa maong krimen.
They are gathering more information kasi on their initial investigation base on the background mabubuting tao naman itong mga may-ari, they are looking all possible angles sa insidente na ito , matud ni Rafter.
Base sa assessment sa kapolisan dili kini matawag nga indiscriminate firing ang hitabo ug gipasalig nila nga tutokan ang maong hitabo aron mailhan ang mga responsable. (BANAT NEWS)
- Latest
