Mga estudyante sa nagkalain-laing eskwelahan niapil sa symbolic walkout

CEBU, Philippines — Sobra sa 300 ka estudyante gikan sa nagkalain-laing eskwelahan ug unibersidad sa Dakbayan sa Sugbo ang niapil sa symbolic walkout aron sa pagpadayag sa ilang panawagan batok sa commercialization sa edukasyon, pag-phase out sa Public Utility Vehicles ug state repression.

Ang mga tunghaan sama University of the Philippines Cebu, University of San Carlos ug Cebu Normal University ang adunay daghang estudyante nga niapil sa maong kalihokan.

Lakip sa ilang gipadayag nga reklamo ang kabahin sa giingong krisis sa edukasyon gumikan sa pagkunhod sa budget nga nasinati sa State Universities and Colleges ug ang giingong pig-ot nga anti-democratic school policies pinaagi sa pagdumili sa genuine representation ug leadership, ug intensified campus  militarization sa mga campuses ubos sa mandatory nga pagpatuman sa ROTC.

Si Grover Perez, College of Science Representative sa UP Cebu University Student Council nagkanayon nga ang pagtibhang sa budget niresulta sa pagkakuwang sa support services ngadto sa mga estudyante sama sa university facilities, kakuwang sa research ug athlete funding, ug limitadong scholarship ug subsidies. “That is why, we need to fight back against the usage of budget on state fascism and its forces that harasses and violates our academic freedom and free-thinking”, padayag ni Perez.

Si Angel Tirol, Secretary General sa Kabataan Partylist Cebu Normal University nagkanayon nga ang ilang panawagan ngadto sa CNU community-admin, students, faculty, alumni, ug mga ginikanan nga magkahiusa aron manubag si Presidente Ferdinand Marcos, Jr., doblehon ang pundo sa edukasyon.

“In particular, provide the needed additional P700 million for CNU. We call on the admin for inclusive policies on gender expression by amending the existing student code”, ni Tirol pa.

Si Grace Rosca, Councilor sa Univesity of San Carlos Supreme Student Council nagkanayon nga ang colonial, commercialized, anti-democratic education usa ka reflection sa Marcos-Duterte administration.

Ang mga isyu sama sa nag-ong-ong nga jeepney phase out karong Disyembre 2023 ang gilakbit usab sa mga estudyante diin mosuporta sila sa umaabot nga transport strike sa Sugbo karong Nobiyembre 22, 2023 nga pasiugdahan sa Pagkakaisa ng mga Samahan ng Tsuper at Opeyrator Nationwide (PISTON-Cebu). The Freeman