Mga bayranan ang prayoridad

CEBU, Philippines — Gitataw ni Andrea Brillantes nga naka-focus siya karon sa iyang mga bayranan busa  ang iyang showbiz career ra gyud ang iyang gikabisihan karon. Gipabuhagay kini sa aktres atol sa paglugwa niya sa vlog ni Luis Manzano kun diin gikumusta ang estado sa iyang kasing-kasing.

“Ano ang pakiramdam nga na lahat nag-aabang sa estado ng puso mo?” pangutana ni Luis.

“Ewan ko sa kanila, sila na yun. Kasi ako... edi mag-abang lang kayo. Ako hindi. Iniisip ko lang kasi work eh,” tubag ni Andrea.

Dali nga nihirit si Luis og, “You’re relatively young, kumbaga sabi mo nga, work yung iniisip mo. Is it easier or harder for you na ikaw, ang gusto mo lang gawin, mag-trabaho, pero ang talagang ang inaantay sayo ay kung may love life ka, etcetera etcetera?”.

Nitubag dayon si Andrea og ,“Honestly po, hindi ko kasi iniisip eh. So for me, walang bigat, wala hassle sakin at all kasi naka-focus lang po ako sa mga bayarin ko.Mga bayarin ko… mga gusto ko ma-achieve before the year ends, mga gusto ko ma-achieve sa next year.” Kahinumdoman nga nag-atubang si Andrea og intriga sa niaging adlaw  kun diin na-link ang pangalan niini ngadto kang Daniel Padilla.

Pasok sa proyekto sa Viva

Gikatahong makabaton ang Asia’s Multimedia Star nga si Alden Richards og proyekto sa Viva Films. Koloborasyon kini sa Viva ug sa kompanya ni Alden nga Myriad Entertainment. Wala pa hinoun matino kun kinsa nga mga artista ang makauban ni Alden sa maong proyekto.

Lexi ug Charles nagpakasal na

Nagpakasal na ang kanhi Kapuso star nga si Lexi Fernandez  ug  ang iyang non-showbiz nga hinigugma nga si Charles Harry Cordingley. Gipahigayon ang ilang intimate wedding sa niaging adlaw  didto sa Church of St Cyr and St Julitta sa Newton St Cyres, United Kingdom.

Aiko balik-Kapamilya

Gikatahong mobalik si Aiko Melendez sa ABS-CBN human kini nakadawat og offer sa maong istasyon. Kahinumdoman nga pipila ka tuig pud nga nilugwa ang aktres sa mga teleserye sa GMA-7.

Gabby saludo sa performance ni Beauty

Misaludo si Gabby Concepcion sa co-star niya sa teleseryeng Stolen Life nga si Beauty Gonzalez gumikan kay kalmado ug tulin kaayo kini katrabaho.

Giangkon ni Gabby nga naa kang Beauty,ingon man usab  kang Carla Abellana ang tinud-anay nga sultada o highlights  sa Stolen Life . Dinhi niya nakita kun unsa ka mga kabanggiitan ang iyang co-stars.

Nakadayeg usab siya sa batasan ni Beauty gumikan kay kahibalo gyud kini makisama sa iyang mga katrabaho ,gani kanunay kini magdala og kape alang sa iyang mga kauban sa set. Atol sa pagtikang nila ni Gabby ug Beauty dinhi sa Dakbayan sa Sugbo sa niaging adlaw , gipasigarbo sa duha ang Kapuso series nga Stolen Life gumikan sa talagsaon nga dagan sa istorya niini.

Ang Stolen Life kay GMA Afternoon Prime drama nga naghisgot sa kinabuhi sa babaye nga gikawat sa laing tawo  nga gitawag usab isip astral projection.

Ubos sa direksyon ni Jerry Sineneng ang maong teleserye.

Isabelle mitunol og hinabang

Nahimamat na ni Isabelle Daza  si Elvie Vergara , ang household helper nga nakasinati og dili maayong pagtrato sa mga kanhi amo niini. Gutunol ni Isabelle ang  P1 million check ngadto kang Elvie , ug gikan kini sa gipasiugdahan nga  fundraising campaign  sa aktres sukad niadtong Septiyembre.

“Mayroon po akong maliit na regalo po sa inyo. Kasi nalaman ko ang kuwento mo, nanood ako ng news. At sa tulong po ng mga followers ko at lahat ng nanonood ng story mo, meron silang na-donate po para sa ‘yo,” mensahe pa ni Isabelle ngadto sa iyang gitabangan.

Ang maong donasyon kay gitagana alang sa medikal ug uban pa nga panginahanglan ni Elvie nga gikatahong nakabaton og mga pagdagmal.

“ Regalo namin sa inyo dahil sa lahat ng pinagdaanan niyo po… At napakahirap ng buhay. Ito po, isang milyong piso po para sa ‘yo. Para po sa medical needs niyo, sa future. Gusto ko lang sana ibigay sa ‘yo personally kasi ‘yung mga followers ko po at ‘yung mga taong nag-donate, pinagkatiwalaan po ako sa perang ito, at sinabi ko po sa kanila na ibibigay ko ‘to sa iyo," dugang pa ni Isabelle. Pipila sa mga nitabang  sa fundraising campaign ni Isabelle  mao sila si  Anne Curtis, Solenn Heussaff, Liz Uy, Mond Gutierrez, Vicki Belo, ug ang iyang inahan nga si Gloria Diaz.

Nibakasyon si Kim Chiu sa  Balesin Island ug wala kini lipod-lipod sa pagpakita sa iyang sexy body. (IG; chinitaprincess)

Pagtungha humanon sa dili pa ang kasal

Giklaro ni Shaira Diaz nga dili pa siya  engaged ngadto sa iyang boyfriend nga si Edgar Allan Guzman .

Suma pa sa aktres nga unahon una niya ang paghuman sa iyang pagtungha sa kolehiyo ug isunod ang pagtigom.

Sa higayon nga ma-okay na ang tanan, mao na kining higayona nga andam na siya mosulod sa kaminyoon.

Nasayran nga 10 ka tuig na ang relasyon nila ni Shaira ug  Edgar.

Nagtungha si Shaira sa University of Perpetual Help sa Las Piñas City,ug fourth year  na kini  sa kursong Marketing Management.

BINI naglawig sa Spotify ug iTunes

Gi-release na sa P-pop girl group nga  BINI ang ilang  latest single  nga "Pantropiko" nga mikulit  usab og  laing rekord.

"Let’s shake off our worries and feel the warmth of tropical vibes with our best girls in #BINI_Pantropiko performance video!",social media post sa maong grupo. Nakasulod kini sa “RADAR Philippines” sa Spotify ug nalandig sa No.2 .

Naglawig usab ang maong awit sa  iTunes Philippines Top Songs Chart.