Manibela nagkasa ng 3 araw na tigil-pasada
MANILA, Philippines — Sa pagtatapos ngayong araw ng 3 araw na tigil-pasada ng Pinagkaisang Samahan ng mga Tsuper at Operators -Nationwide (PISTON) ay sisimulan naman ngayong araw ng Grupong Manibela, ang 3 araw na tigil-pasada.
Ang pagkasa ng tigil-pasada ng 150,000 miyembro ng Manibela ay upang tutulan ang PUV modernization program ng pamahalaan.
Ayon kay Mar Valbuena, pangulo ng Manibela, simula ngayong Miyerkules ang unang araw ng kanilang tigil-pasada na magtatagal hanggang Biyernes.
Anya, pinapaniwala lamang ng Land Transportation Franchising and Regulatory Board (LTFRB) ang publiko na walang phase out sa mga pampasaherong sasakyan lalo na sa mga tradisyunal na jeep sa kabila na patuloy ang pagpupursigi ng pamahalan na maisulong ang PUV modernization.
Magugunita na ang grupong PISTON ay una nang nagsawa ng tigil-pasada simula noong Lunes upang ipatigil ang PUV consolidation na inisyal na hakbang ng LTFRB para sa modernization program ng mga passenger vehicles at ang pagbabalik sa kanila ng 5 year franchise ng mga sasakyan.
- Latest
