Lima sikop lakip niini mga menor human nasakmiti og marijuana
CEBU, Philippines — Lima ka tawo sikop lakip niini ang tulo ka menor de edad human nasakmitan og marijuana diha sa Molave Extension, Barangay Lagtang, Dakbayan sa Talisay kagahapon sa kadlawon.
Ang kapolisan nagpahigayon og foot patrol diha sa lugar hinungdan nga nasakpan ang mga suspetsado.
Ang mga suspetsado giila sa kapolisan nga sila si Clifford Abaquita Alferez, 20- anyos; Laurence Smith Parba, 18-anyos ug duha ka lalaki ug usa ka babaye nga mga menor de edad.
Giingong samtang naglakaw ang mga polis diha sa lugar ilang nabantayan ang mga batan-on nga nagbitbit og ilegal nga drugas.
Nasakmit sa mga polis gikan sa mga suspetsado ang usa ka plastik nga adunay sulod nga mga uga nga dahon sa marijuana ug duha ka disposable lighter.
Ang mga suspetsado nadetiner kini karon diha sa Talisya City Police Station ug gikatkadang pasakaan og tukmang kaso sa nahimo nilang kalapasan. (BANAT NEWS)
- Latest