Grupong Manibela, nagkasa rin ng 3-araw na tigil pasada
MANILA, Philippines — Nagkasa na rin ng tigil-pasada ang transport group na Manibela upang tutulan ang PUV modernization ng pamahalaan.
Ayon kay Mar Valbuena, Pangulo ng Manibela simula ngayong Miyerkules (Nob. 22 ) at magtatagal nang hanggang Biyernes, Nob. 24 ang tatlong araw nilang transport strike para tutulan ang modernisasyon sa public transportation.
Ayon kay Valbuena, kung hindi palalawigin ang naturang deadline ay magiging kolorum na sila pagtuntong ng Enero 1, 2024.
Anya pinapaniwala lamang ng Land Transportation Franchising and Regulatory Board (LTFRB) ang publiko na walang phase out sa mga pamsahalerong sasakyan laluna sa mga tradisyunal na jeep sa kabila na patuloy ang pagpupursigi ng pamahalan na maisulong ang PUV modernization.
Hanggang ngayong araw naman ang itatagal ng ikinasang tigil-pasada ng PISTON.
Binigyang diin ni Mody Floranda, Pangulo ng transport group na Piston na patuloy silang magsasagawa ng pagkilos hanggat walang malinaw na tugon ang LTFRB sa kanilang kahilingan para sa kapakanan ng maliliit na driver at operator sa bansa.
- Latest