Gilaay sa pagka-sibilyan

Namahayag si kanhi Presidente Rodrigo Duterte nga mapugos siya pagdagan pagka-bise presidente o ba kaha senador kon ugaling ma-impeached si Bise Presidente Sara Duterte tungod lang sa paggamit sa confidential ug intelligence funds. Dili masukod ang gugma sa amahan ngadto sa anak. Apan alang sa akong amigo, gilaay ra si kanhi presidente Duterte sa sibilyan nga kinabuhi ug nangita lang siya g rason aron makabalik sa politika. Hinuon, tinuod usab ang panultihon nga,  Ang amahan ang tigpanalipod sa anak nga hinatag mismo sa kinaiyahan.  Muleeng!

Tumar og  mora g tambal

Gilusad sa Philippine National Police (PNP) ang gitawag nila og  target hardening measures  aron kapugngan ang pagkatap sa mga peke nga tambal nga maghatag kadaut sa panglawas ug kinabuhi sa publiko.  Nakigtambayayong ang PNP sa health sector sa pagpakigbatok sa mga nagpakatap sa peke nga tambal.  Makapahinumdum sa estorya sa managhigala diin mipadayag ang usa nga  mora daw kuno siya g gihilantan.  Busa gitambagan siya sa iyang amigo nga  motumar og  mora g tambal  aron  mora pud siya g maayo .  Pagkatuytoy!

Dili na epektibo

Sumala sa MMDA, wala makaparalisa sa tibuok transportation system sa NCR ang gihimong transport strike sa transport group nga PISTON tungod kay mipakatap usab ang kagamhanan og mga sakyanan nga miserbisyo og mokabat 1,980 ka commuters sa mga rota diin gihimo ang transport strike.  Tataw nga dili na kaayo epektibo ang transport strike pagpadangat sa mga yangongo sa mga drivers ug operators.  Haum alang sa mga drivers ug operators ang panultihon nga  Kon tugdongan og lamok ang imong lisik, makaamgo ka nga dili sa tanan g higayon nga sa paagi ng bayolente sulbaron ang tanan g suliran. Madahaan!

Gibasa ang hulagway

Sugod karong Enero 12, 2024, itagana na sa DepEd ang adlaw nga Biyernes isip  catch-up  nga adlaw aron matabangan ug matudloan ang kabataan gikan sa Kindergarten hangtud sa Grade 12 sa pagbasa ug pagsabot sa ilang gibasa.  Panahon na nga hatagan og pagtagad ang maong kahimtang ug suliran sa kabataan. Makapahinumdum sa Grade 3 nga anak sa among silingan nga sa dihang gipabasa sa mga letra nga nahisulat sa kalendaryo, ang hulagway man nga napatik maoy iyang gibasehan.  Busa, inay  BIODERM  unta ang malitok, miingon na man hinoon ang bata nga  BRONCO RUB.  Fezteleern!

Sukli sa gugma suportahan ta

Sa maka-usa pa, gidapit ko ang tanan sa pagtan-aw sa buhi ng konsyerto nga giulohan og  SUKLI SA GUGMA  nga ipahigayon diha sa IC3 Convention Center, Barangay Mabolo, karong Nobyembre 26, 2023, alas 7:00 ang takna sa gabii.  Usa kini ka Christmas Fundraising nga gipasi-ugdahan sa AMRO, kon All-Terrain Medical Relief Organization, usa ka non-government organization, nga naglangkob sa mga medical professional volunteers ug mga magpapatigayon.  Ang kita-on ni ng maong konsiyerto gamiton sa mga emergency relief assistance alang sa biktima sa mga kalamidad.  Gidapit ko ang tanan, labi na kadtong mahigugmaon sa huni ug awit, sa pagsuporta sa maong kawsa pinaagi sa pagsaksi sa maong konsyerto.  Malingaw ka na, makatabang ka pa. Mangadto ta ha!