Angeline mibisita kang Kris
CEBU, Philippines — Human ni Kim Chiu, si Angeline Quinto napud ang niduaw kang Kris Aquino sa giistaran niini didto sa Amerika.
Todo-pasalamat si Kris ngadto kang Angeline gumikan kay naningkamot gyud kini nga kumustahon siya sa personal.
Atol sa iyang pagbisita , gikanta ni Angeline ang theme song sa morning talk show kaniadto sa ABS-CBN nga “Kris TV.”
"Thank you for visiting me @loveangelinequinto… it’s a great feeling to reminisce. That’s the good thing about the past, you get to choose which memories to bring with you," Instagram post ni Kris.
Emil regular anchor na sa 24 Oras
Nipirma na og kontrata sa niaging adlaw si Emil Sumangil isip anchor sa 24 Oras nga gitambongan sa mga kadagkoan sa GMA .
Siya na ang regular nga makauban nila ni Mel Tiangco ug Vicky Morales sa maong news program.
Kahinumdoman nga usa sa mga karaang anchor sa maong programa nga si Mike Enriquez kay nipanaw niadtong Agosto 29, 2023.
Nitambong sa contract signing sila si GMA Network Chairman and CEO Atty. Felipe L. Gozon, GMA Network President and Chief Operating Officer Gilberto R. Duavit Jr., ug GMA Network Senior Vice President ug Head of GMA Integrated News, Regional TV and Synergy, Oliver Victor B. Amoroso.
Nanarbaho si Emil sa GMA-7 sulod na sa 18 ka ka tuig.
- Latest