2nd win target ng TNT sa Terrafirma
MANILA, Philippines — Ang ikalawang sunod na panalo ang target ng TNT Tropang Giga habang ang pagsolo sa second place ang misyon ng Terrafirma sa kanilang upakan sa Season 48 PBA Commissioner’s Cup.
Lalabanan ng Tropang Giga ang Dyip ngayong alas-4 ng hapon kasunod ang salpukan ng NLEX Road Warriors at NorthPort Batang Pier sa alas-8 ng gabi sa Smart Araneta Coliseum.
Hawak ng Magnolia ang liderato bitbit ang 4-0 record kasunod ang NorthPort (2-1), Meralco (2-1), Phoenix (2-1), Terrafirma (2-1), San Miguel (1-1), Barangay Ginebra (1-1), TNT (1-1), Blackwater (1-2), NLEX (1-2), Rain or Shine (0-3) at Converge (0-3).
Kinuha ng Tropang Giga ang 101-98 overtime win sa FiberXers bagama’t napatalsik si import Rondae Hollis-Jefferson sa third period.
Nagtala si Jayson Castro ng 23 points, 8 rebounds at 4 assists habang ipinasok ni Jewel Ponferada ang isang reverse layup sa huling 16.9 segundo para sa final score.
Umiskor naman ang Dyip ng 113-112 panalo sa Road Warriors tampok ang career-high 31 points ni Javi Gomez de Liaño.
“We’re like a brand-new team na rin with new players and this time around we just wanted to change the narrative of our team,” sabi ni Gomez de Liaño.
- Latest
