11 transport groups, suportado ang PUVMP
MANILA, Philippines — Suportado ng 11 transport groups ang Public Utility Vehicle Modernization Program (PUVMP) na isinusulong ng Department of Transportation (DOTr).
Ito ang inihayag ni Office of Transportation Cooperatives (OTC) Chairman Jesus Ferdinand Ortega, kabilang dito ang National Federation of Transport Cooperatives, Jeepney Ride Dagat Dagatan Navotas Transport Cooperative (JRDNTransCo), Exodus Transport Cooperative, Bukidnon Transport Multipurpose Cooperative, Consortium of Mindanao Transport Cooperatives & Corporations (CMTCC), Ladotransco Multipurpose Cooperative, Malabon Jeepney Transport Service Cooperative (MAJETSCO), Wheels of God Transport Corp., Bahaghari Kmbpc, Tabaco-Legapi Transport Cooperative (TALETRANSCO), at Pagunova Transport and Multi-Purpose Service Cooperative.
Dagdag pa ng OTC Chairman, tutol din ang pamunuan ng naturang mga grupo sa pagsasagawa ng tigil-pasada na anila ay nagpapahirap lamang sa mga pasahero at nakakaapekto sa pang-araw-araw na kita ng mga operator at driver ng mga pampublikong transportasyon.
Ayon pa kay Ortega, nais din ng mga transport groups na hindi na mapalawig ang konsolidasyon ng mga prangkisa na itinakda ng DOTr hanggang Disyembre 31 upang magtuluy-tuloy na ang implementasyon ng PUVMP.
- Latest
